Divisional Secretariat - Passara

පස්සර ප්‍රාදේශීය ලේකම් කොට්ඨාසයට අයත් පරමහංකඩ ග්‍රාම නිලධාරී වසමේ, කිරිමැටිය ගම්මානයේ පදිංචි සමරකෝන් මහතාගේ ඉඩම ආපදා තත්ත්වය හේතුවෙන් අධි අවදානම් තත්ත්වයට පත්වීම හේතුවෙන් හිමි වූ රුපියල් ලක්ෂ 50ක වන්දි මුදල ලබාගත් අවස්ථාව. අදාළ වන්දි මුදලට හිමි චෙක්පත නාත්තන්ඩිය ප්‍රාදේශීය ලේකම් කාර්යාලයේදී සමරකෝන් මහතා වෙත ලබාදෙන ලදී.

මෙම වන්දි මුදල කඩිනමින් ලබාදීමට අවශ්‍ය රාජකාරි කටයුතු පස්සර ප්‍රාදේශීය ලේකම් කාර්යාලය මගින් කඩිනමින් සිදුකිරීමත්, අදාළ ආයතන හා නිලධාරීන් සමඟ සිදුකළ කාර්යක්ෂම සම්බන්ධීකරණයත් හේතුවෙන් මෙම සහනය කඩිනමින් ලබාදීමට හැකි විය

May be an image of studying, hospital and text

“අත්තම” වැඩසටහනට සමගාමීව නමුණුකුල රක්ෂිතය සහ ජල පෝෂක ප්‍රදේශ සුරැකීමේ ශ්‍රමදාන වැඩසටහන 🌿

“අත්තම” වැඩසටහනට සමගාමීව, පුහුල්වත්ත වසමට අයත් නමුණුකුල රක්ෂිතය ආශ්‍රිත ජල පෝෂක ප්‍රදේශ ආරක්ෂා කිරීම හා පරිසර සංරක්ෂණය කිරීමේ අරමුණින්, රක්ෂිතය ආශ්‍රිතව ගිනිපටි නිර්මාණය කිරීමේ ශ්‍රමදාන වැඩසටහනක් පැවැත්වීමට කටයුතු යොදා ඇත.

📅 දිනය: 2026.08.08
⏰ වේලාව: පෙ.ව. 8.00
📍 ස්ථානය: ගෝනකැලේ දෙමළ විද්‍යාලයට ඉහළින් පිහිටි නමුණුකුල රක්ෂිතය ආශ්‍රිත ප්‍රදේශය

මෙම වැඩසටහන මඟින් ජල පෝෂක ප්‍රදේශ ආරක්ෂා කිරීම, පරිසර සංරක්ෂණය සහ වන ගිනි අවදානම අවම කිරීම සඳහා අවශ්‍ය ක්‍රියාමාර්ග ක්‍රියාත්මක කිරීමට අපේක්ෂා කෙරේ.

🤝 ප්‍රදේශවාසී ඔබ සැමගේ සක්‍රීය සහභාගීත්වය අපේක්ෂා කරමු.

නමුණුකුල රක්ෂිතය සහ ජල පෝෂක ප්‍රදේශ සුරැකීමේ මෙම සාමූහික මෙහෙවර සඳහා ඔබගේ වටිනා දායකත්වය ලබාදෙන මෙන් කාරුණිකව ආරාධනා කර සිටිමු.

🌱 එක්වෙමු – පරිසරය සුරකිමු – අනාගතය රැකගනිමු!

ගමි දහසක් - වැඩ දහසක්
ප්‍රජා ශක්ති - ශ්‍රීලංකාවෙි බහුමානික දරිද්‍රතාවය පිටු දැකීමෙි ජාතික වැඩසටහන යටතේ පස්සර ප්‍රාදේශීය ලේකම් කොටිඨාශයේ සපුරොද ග්‍රාම නිලධාරි වසමෙි දෙහිකිදවෙළ අමුණ හා ඇල සංවර්ධනය කිරීමෙි ව්‍යාපෘතිය අද දින (2026.06.02)වැඩ ආරම්භ කරන ලදි.
ඒ සදහා පස්සර සමිබන්ධීකරණ කමිටු ගරැ සභාපති කිටිනන් සෙල්වරාජ් මැතිතුමා ඇතුලු දේශපාලන නියෝජිතයින් ,නියෝජ්‍ය අධ්‍යක්ෂ අධ්‍යක්ෂකතුමිය(ක්‍රම සම්පාදන )ඇතුලු රාජ්‍ය නිලධාරීන්,ප්‍රජා සංවර්ධන සභා සමාජිකයින්,ගොවි සංවිධානයේ නිලධාරීන් හා ගොවි මහතුන්ගේ සහභාගිත්වයෙන් මෙම සමාරමිහක උත්සවය පවත්වන ලදි.

පස්සර ප්‍රාදේශීය ලේකම් කාර්යාලයීය නිල WhatsApp Community වෙත සම්බන්ධ වීම

පස්සර ප්‍රාදේශීය ලේකම් බලප්‍රදේශයේ වසම් 41 ක සමස්ත ජනතාව වෙත වඩාත් කාර්යක්ෂමව, නිවැරදිව සහ කඩිනමින් තොරතුරු/දැනුවත් කිරීම් ලබාදීම සඳහා නව WhatsApp Community එකක් නිර්මාණය කර ඇත.

ඔබගේ වසමට අදාළ සියලුම නිල තොරතුරු සෘජුවම ලබාගැනීම සඳහා පහත උපදෙස් පිළිපදිමින් අදම මෙයට සම්බන්ධ වන්න.

 සම්බන්ධ වන ආකාරය (Instructions):
පියවර 01: පහත දැක්වෙන QR කේතය (QR Code) ස්කෑන් කර හෝ ලබා දී ඇති ලින්ක් එක මඟින් ප්‍රධාන WhatsApp Community එක වෙත පිවිසෙන්න.

පියවර 02: Community එක තුළ ඇති සමූහ (Groups) අතරින් ඔබ පදිංචි වසමට අදාළ ගෲප් එකට පමණක් සම්බන්ධ වීමට ඉල්ලීමක් (Join Request) යොමු කරන්න.

පියවර 03: ඔබගේ ඉල්ලීම පරීක්ෂා කර, අදාළ ග්‍රාම නිලධාරිතුමා/තුමිය හෝ ප්‍රාදේශීය ලේකම් කාර්යාලයේ නිලධාරීන් විසින් ඔබව එම වසමේ නිල ගෲප් එකට ඇතුළත් කරනු ඇත.

 විශේෂ උපදෙස් (Strict Rules):
 තමන්ගේ වසමට පමණක් සම්බන්ධ වන්න: ඔබ පදිංචි ස්ථිර වසමට අදාළ ගෲප් එකට පමණක් සම්බන්ධ විය යුතු අතර, වෙනත් කිසිදු වසමක ගෲප් එකකට සම්බන්ධ වීමෙන් වළකින්න.

 පෞද්ගලික පණිවිඩ (Private Messages) එවීමෙන් වළකින්න: ගෲප් එකේ සිටින පරිපාලකවරුන් (Admins) වෙත හෝ අනෙකුත් සාමාජිකයන් වෙත අනවශ්‍ය ලෙස පෞද්ගලික පණිවිඩ (Inbox Messages) යැවීමෙන් සම්පූර්ණයෙන්ම වළකින්න.

 නිල තොරතුරු පමණයි: මෙම සමූහය භාවිත කරනු ලබන්නේ රාජ්‍ය නිවේදන සහ ජනතා දැනුවත් කිරීම් සඳහා පමණි.

සම්බන්ධ වීමට ඔබගේ දුරකථන කැමරාවෙන් හෝ WhatsApp එකෙන් මෙම QR කේතය ස්කෑන් කරන්න

හෝ පහත ලින්ක් එක ක්ලික් කරන්න: https://chat.whatsapp.com/Gk8o5Kp7COACy9EWMTOPlo
 

ප්‍රාදේශීය ලේකම් කාර්යාලය - පස්සර.

ආදරයේ උල්පත වූ අම්මා....
මා ඔබගේ, පුතු වූ .....
ඔබ මතු බුදුවන දවසේ ...
මා රාහුල කුමරුන් සේ ...
සෙවණ පතා, අද මෙන් පැමිණෙන්නෙමි
සුළඟිල්ලේ එල්ලී

සඳ දිය කොට කිරි වතුරෙන්
ඒ දියරෙන් මුව දෝවා
දිව මතුරක්වත්
නැලවිලි ගීයෙන්
මතකයි මා නැළවුවා
ජීවිතයෙන් ජීවිතයක් ගෙනදී
ඒ ජීවිතයට කිරි දී පණ දී
මා දැඩි කළ අම්මා....

මාතෘත්වයේ අගය පිළිබඳ දැනුවත් කිරීමේ වැඩසටහන

පස්සර ප්‍රාදේශීය ලේකම් කාර්යාලයේ ප්‍රාදේශීය ලේකම්තුමියගේ සහ සහකාර ප්‍රාදේශීය ලේකම්තුමියගේ උපදෙස් හා මඟපෙන්වීම මත, පරිපාලන නිලධාරීතුමිය සහ පරිපාලන ග්‍රාම නිලධාරීතුමාගේ සහභාගීත්වයෙන් මෙම වැඩසටහන ක්‍රියාත්මක විය.

PANDA BABY ආයතනයේ අනුග්‍රහයෙන්, මුල් ළමාවිය සංවර්ධන නිලධාරීතුමිය හා සමාජ සත්කාර ඒකකයේ නිලධාරීන්ගේ සම්බන්ධීකරණයෙන් සහ ප්‍රාදේශීය සෞඛ්‍ය වෛද්‍ය නිලධාරීතුමාගේ ආරාධනය පරිදි කොට්ඨාසයේ ගර්භණී මව්වරුන් 120 දෙනෙකුගේ සහභාගීත්වයෙන් මෙය සංවිධානය කර තිබිණි.

රූපවාහිනී හා ගුවන් විදුලි ප්‍රවීණ වෛද්‍ය විද්‍යා උපදේශක, මනෝ චිකිත්සක කථිකාචාර්ය වෛද්‍ය අනුර අරඹගේ මහතාගේ සම්පත්දායකත්වයෙන් රසවින්දනාත්මක වැඩසටහනක් තුළින් මාතෘත්වයේ අගය හා වටිනාකම පිළිබඳ හරවත් දේශනයක් 2026/05/20 වන දින ප්‍රාදේශීය ලේකම් කාර්යාල ශ්‍රවණාගාරයේ දී ඉතා සාර්ථකව පවත්වන ලදී.

මෙම වැඩසටහන සඳහා නන් අයුරින් සහය ලබා දුන් සැමට ස්තූතියි! 🙏🙏